Haradinaj nis vizitën në SHBA: Kosova nuk duhet të harrojë që aleanca me ShBA-të është e përjetshme

Kryetari i Aleancës për Ardhmërinë e Kosovës, Ramush Haradinaj, në kuadër të vizitës së tij në SHBA, ka thënë se do të zhvillojë takime në Departamentin e Shtetit, Senat dhe Kongres

Kryetari i Aleancës për Ardhmërinë e Kosovës, Ramush Haradinaj, të dielën e 29 janarit e ka nisur vizitën e tij zyrtare në Shtetet e Bashkuara të Amerikës, me ç’rast do të zhvillojë takime të rëndësishme.

Kështu ka bërë të ditur vetë Haradinaj përmes një postimi në llogarinë e tij në Facebook, ku ka thënë se Kosova asnjëherë nuk duhet të harrojë që aleanca me ShBA-të është e përjetshme dhe duhet të mirëmbahet me punë, komunikim të sinqertë dhe bashkëpunim të vërtetë.

Ai po ashtu ka njoftuar se do të jetë pjesë e ceremonisë “Lutjet e Mëngjesit”.

“Sot, po e nisi një javë të vizitës sime në Uashington, ku do të qëndroj dhe do të marrë pjesë në ceremoninë “Lutjet e Mëngjesit”. Gjatë kësaj vizite do të kem një agjendë e cila do të përfshijë takime në Departamentin e Shtetit, Senat dhe Kongres, e po ashtu edhe takime tjera me institucione të rëndësishme”, shkroi ai.

Me këtë rast, Haradinaj është takuar me Nancy Y. Bekavac, anëtare e Bordit të Universitetit Amerikan (AUK) dhe Shaun Burn, të cilët i ka falënderuar për kontributin e tyre që kanë dhënë me dekada, në veçanti për miqësinë dhe besimin e tyre në Kosovë.

“Ndjenjë e veçantë të takoj miqtë e vjetër të Kosovës, znj. Nancy Y. Bekavac, anëtare e Bordit të Universitetit Amerikan (AUK) dhe Shaun Burn, të cilët kanë qenë dhe vazhdojnë të jenë zëri ynë në Amerikë”, shtoi ai.

Kjo vizitë e kreut të  AAK-së për në Amerikë, ishte paralajmëruar nga zëdhënësi i AAK-së, Lulezim Blaka.

“Haradinaj në fund të këtij muaji, do të udhëtojë për në Shtetet e Bashkuara të Amerikës, për një vizitë zyrtare. Për detaje të takimeve do të ju informojmë me kohë”, ka thënë Blaka.

Ndryshe, viti 2023 është paraparë të jetë vit i dinamizimit të dialogut ndërmjet Kosovës dhe Serbisë, gjatë të cilit synohet përmbyllja e këtij procesi, e vizitat e diplomatëve ndërkombëtarë gjatë kohës së fundit në Kosovë vetëm se janë shtuar.

Të mërkurën e 11 janarit për vizitë në Kosovë ishte Këshilltari i lartë i Departamentit amerikan të Shtetit, Derek Chollet.

Ndërkaq, të premten e 20 janarit, për vizitë ishin pesë zyrtarë të Bashkimit Evropian dhe Shteteve të Bashkuara të Amerikës për të përshpejtuar procesin e dialogut në mes të Kosovës dhe Serbisë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika