Anëtari i Kryesisë së Aleancës për Ardhmërinë e Kosovës, Daut Haradinaj, pas vizitës së tij në komunën e Kamenicës, ka njoftuar se policia e kësaj zone kufitare participon vetë për servisimin e automjeteve.
Në një postim në Facebook, Haradinaj ka thënë se është alarmuar pasi policia e Kosovës e ruan kufirin, por nuk i lejohen armët e gjata.
E për këtë, Haradinaj kritikoi Qeverinë aktuale në krye me kryeministrin Albin Kurti, duke thënë se “kjo gjë është e turpshme për këtë shtet e këtë qeveri”.
“Sot isha me disa miq në Kamenicë dhe për çudi policia e kësaj zone kufitare participon vet për servisim të automjetit. Madje Policia kryen detyrat e saj me automjete të dhuruara nga Komuna e që as një parakusht nuk e plotësojnë. Ata e ruajnë kufirin e nuk ju lejohen armë të gjata. Kjo është e turpshme për këtë shtet e këtë qeveri!”, shkroi ai.