Lideri i Aleancës për Ardhmërinë e Kosovës, Ramush Haradinaj, në seancën e Kuvendit të Kosovës, e ka kritikuar Lëvizjen Vetëvendosje, për qëndrimet e saj në lidhje me sektorin e energjisë.
Ai e ka lidhur rastin e ambasadorit Martin Berishaj, i cili po dyshohet për një skandal që ka lidhje me tregtinë e energjisë. Haradinaj e ka akuzuar partinë në pushtet se po i mbron intersat e Stanishiqit dhe Rankoviqit.
“VV mbron interesa të kompanisë, dhe interesa politike të interesave të Stanishiqit dhe Rankoviqit, ata që duan ta thonë të kundërtën është mirë t’i gjejnë argumentet. Për punët e sigurisë na keni pro, e sa për mbrojtjen e interesave të rankoviqit dhe stanishiqit na keni kundër”, ka deklaruar Haradinaj.
Tutje, ai ka deklaruar se Albin Kurti , është i vetmi udhëheqës që e ka refuzuar “gazin amerikan”, që, sipasj tij, ishte plan strategjik i Shteteve të Bashkuara të Amerikës.
“Si Lëvizje ende pa qenë parti VV e ka pasur të qartë se ka qenë kundër invesëtimeve në energji. Kosova e re dhe Countour Global, së fundi, kanë qenë edhe kundër gazit. I vetmi udhëheqës që e ka refuzuar gazin është ky i yni. VV në një politikë ka qenë konsistente e që është kundër investimeve kundër burimeve të qëndrueshme dhe kundër energjisë amerikane. Kah i kanë marrë informatat dhe këshillat, kush ka ndikuar në mendimet e tyre, si kanë ardhur deri te këto qëndrime VV-ja? Përgjigjen e kemi marrë, me tranksaksionet e një mendimtarit të VV-së, që ka ndikim te ta”, ka deklaruar Haradinaj.
Në këtë seancë pritet që të hidhet në votim edhe komisioni hetimor parlamentar për sektorin e energjisë.