Haxhiu: Rreth 16 milionë euro janë shpenzuar për mbrojtjen dhe vizitat ndaj ish-luftëtarëve të UÇK-së

Ministrja e Drejtësisë, Albulena Haxhiu, ka njoftuar se nga buxheti i Kosovës janë shpenzuar rreth 16 milionë euro për ekipet mbrojtëse të ish-luftëtarëve të UÇK-së që janë të akuzuar nga Gjykata Speciale dhe për vizitat e familjarëve të tyre

Ministrja e Drejtësisë, Albulena Haxhiu në një konferencë për media

Ministrja e Drejtësisë, Albulena Haxhiu, ka deklaruar se ministria që ajo udhëheqë ka vazhduar me mbulimin e shpenzimeve për ekipet mbrojtëse të ish-ushtarëve të UÇK-së, të cilët janë të akuzuar nga Zyra e Prokurorit të Specializuar.

Haxhiu në një postim në rrjetin social Facebook, ka shkruar se deri tani për periudhën tetor 2020 – dhjetor 2022 nga buxheti i Kosovës janë shpenzuar rreth 16 milionë euro për mbrojtjen dhe shpenzimet e vizitave të familjarëve të ish-ushtarëve të UÇK-së.

“Qeveria e Kosovës, përkatësisht Ministria e Drejtësisë ka vazhduar me mbulimin e shpenzimeve për ekipet mbrojtëse të ish-luftëtarëve të UÇK-së që janë të akuzuar nga ZPS”, ka shkruar Haxhiu në Facebook.

“Mbulimi i këtyre shpenzimeve bëhet konform Nenit 3, paragrafi 1 të Ligjit nr. 05/L-054 për mbrojtjen juridike dhe mbështetjen financiare të personave të akuzuar potencial në proceset gjyqësore pranë Dhomave të Specializuara”, ka shkruar tutje ajo.

Gjithashtu, ajo ka përfunduar postimin e saj duke thënë se Ministria e Drejtësisë mbetet e përkushtuar në zbatimin e përgjegjësive ligjore.

Kujtojmë se, trupi gjykues i kryesuar nga Charles L. Smith III, u ka vazhduar masën e paraburgimit, Jakup Krasniqit dhe Rexhep Selimit, të cilët po akuzohen për krime lufte dhe krime kundër njerëzimit, gjykimi ndaj të cilëve pritet të fillojë më 1 mars.

Sipas gjykatës, në këtë kohë rreziku i arratisjes për dy të akuzuarit nuk mund të jetë i justifikuar për vazhdim të masës së paraburgimit, raporton “Betimi për Drejtësi”.

Por, në vendime thuhet se trupi gjykues është i bindur, bazuar në standardin përkatëse ekziston rreziku që të dy të pengojnë mbarëvajtjen e procedurës së Dhomave të Specializuara të Kosovës (DhSK) dhe rreziku që të kryejnë krime të mëtejshme kundër atyre që perceptohen si kundërshtarë të UÇK-së, përfshirë dëshmitarët, të cilët kanë ofruar ose mund të ofrojnë prova në këtë rast dhe/ose duhet të paraqiten në DhSK.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

Avokati i Fatmir Limajt me ultimatum për analistin Hoxha, për...

Analisti i emisionit Debat Plus në RTV Dukagjinin, Dibran Hoxha, i ka publikuar disa mesazhe që i ka marrë në rrjetin e tij social...

Takimi miqësor i dy ikonave të xhudos

Dy ikona të xhudos, Majlinda Kelmendi dhe Teddy Riner, kanë pasur një takim të shkurtë miqësor gjatë Grand Slamit, në Paris. Xhudistja Kelmendi tashmë është...

Shkon mbi 500 numri i viktimave në Turqi dhe Siri

Pasojat e tërmetit që e goditi Turqinë dhe Sirinë të hënën janë të mëdha. Numri i viktimave ka shkuar në më shumë se 500...

Të fundit nga rubrika