Ministrja e Drejtësisë, Albulena Haxhiu është takuar me shefin e Zyrës së Bashkimit Evropian (BE) në Kosovë, Tomas Szunyog.
Në këtë takim është diskutuar për reformat në sistemin e drejtësisë.
“Me theks të veçantë diskutuam për Vettingun, Byronë për konfiskimin e pasurisë së pajustifikueshme, adresimi i dhunës në familje, dhe krimet e luftës”, ka shkruar Haxhiu në Facebook.
Ndryshe, ministrja Haxhiu kishte thënë se përmbyllja e procesit të vettingut dhe funksionalizimi i një institucioni siç është Byroja për Verifikimin dhe Konfiskimin e Pasurisë së Pajustifikueshme do të jetësohet në gjysmën e dytë të vitit 2023.