Miroslav Lajçak, emisari special i Bashkimit Evropian për dialogun Kosovë-Serbi, do të zhvillojë një vizitë dyditore në Kosovë. Përpos krerëve të shtetit, ai do të takohet edhe me partitë opozitare.
Para takimit të nesërm u deklarua nënkryetari i Lidhjes Demokratike të Kosovës (LDK), Lutfi Haziri.
Haziri për Klankosova.tv ka thënë se mbetet të shihet se çka do të dalë nga takimi i nesërm.
“Nuk është hera e parë. z. Lajçak, në çdo vizitë zhvillon takime edhe me kryetarin e LDK-së dhe me mua si i ngarkuar për dialog”, ka thënë Haziri.
“Po, ka takim me neve si LDK, unë e përfaqësoj. Nuk e di se a ka takim edhe me parti tjera opozitare, sepse nuk ka bllok opozitar, ka LDK, PDK, AAK”, ka thënë nënkryetari i Lidhjes Demokratike të Kosovës.