Deputeti i LDK-së, Avdullah Hoti, e ka kritikuar Qeverinë e Kosovës për mungesë të investimeve kapitale. Ai tha se Qeveria po grumbullon mjete në llogari bankare, kurse po i bllokon investimet kapitale në komuna.
“Në gjashtë muajtë e parë të këtij viti, sikurse në vitin paraprak: 1. Po vazhdojnë investimet e ulëta kapitale, 2. Po vazhdon grumbullimi i mjeteve në llogarinë bankare të Qeverisë, 3. Po vazhdon bllokada e investimeve kapitale në komuna nga Qeveria duke mos i alokuar mjetet nga të hyrat vetanake të komunave”, ka thënë Hoti.
Sipas ish-kryeministrit të Kosovës, nëse vazhdon ky trend “edhe viti 2023 do të jetë vit i humbur në investimet kapitale, si në nivel qendror, ashtu edhe në nivel lokal”.