Deputeti i LDK-së, Avdullah Hoti, ka kritikuar Qeverinë lidhur me përgjimet, në të cilat, është përfshirë shefja e grupit parlametar të LVV-së, Mimoza Kusari-Lila dhe Slavo Simiq, duke thënë se nëse kjo është bërë me apo pa koordimin.
“Pesë herë kanë biseduar me një të akuzuar nga organet tona të drejtësisë që ka urdhërarrest, e që është edhe në listë të zezë të amerikanëve, për t’u kordinuar për: energjinë në veri, votimin e ligjeve, emërimet në Gjykatën Kushtetuese e koordinime të tjera. Kaq për këta hipokritë e mashtrues”, ka thënë Hoti.
Hoti ka thënë se Kusari-Lila nuk do të mundej të fliste pesë herë me Simiqin pa pasur lejen e “shefit të saj”.
Ai ka kërkuar dorëheqjen e Kusari-Lilës, “për përgjegjësi të tjera flasin organet kompetente”, ka shtuar deputeti i LDK-së.