Policia e Kosovës ka raportuar se një person ka vdekur si pasojë e një aksidenti që kishte ndodhur në fshatin Llukё të Epёrme të Deçanit.
Policia ka thënë se për vdekjen e viktimës është lajmëruar nga mjeku kujdestar rreth orës 02:15 të mëngjesit, duke e kumtuar lajmin se viktima nuk ka arritur t’u mbijetojë plagëve dhe ka ndërruar jetë.
“Sot me datё 27.06.2023, rreth orёs 02:15, jemi njoftuar nga mjeku kujdestar se viktima ka ndërruar jetё”.
Më poshtë mund ta lexonin komunikatën e plotë të Policisë së Kosovës.
Ju informojmë se më datë 26 qershor 2023, rreth orës 13:15, policia është informuar për një aksident trafiku i cili ka ndodhur në fshatin Llukё e Epёrme, Deçan.
Nё vendin e ngjarjes kanë dalë njësitet kompetente tё Njësitit Rajonal tё Komunikacionit Rrugor (NJRKRR).
Nё kёtё aksident ishin tё involvuara njё kamion dhe njё motoçikletё, deri te aksidenti ka ardhur pёrderi sa i dyshuari nuk e ka respektuar shenjën e trafikut, ndalim i obliguar (STOP), i cili e godet motoçikletën duke i shkaktuar lëndime tё rёnda trupore.
I lënduari nga vendi i aksidentit dërgohet me emergjencё në Spitalin Rajonal në Pejё, dhe nga aty pёr shkak tё lëndimeve dёrgohet ne QKUK-Prishtinё.
I dyshuari me vendim tё Prokurorit tё shtetit dёrgohet nё mbajtje pёr 48-orё.
Me urdhër të Prokurorit shtetit trupi e pa jetë i viktimës dërgohet në Institutin e Mjekësisë Ligjore në Prishtinë, për Obduksion.