Humolli e kritikon ashpër Qeverinë: Po e rrezikon stabilitetin e vendit

Deputeti i Lëvizjes Vetëvendosje, Fatmir Humolli, e ka kritikuar Qeverinë e Kosovës, për të cilën ka thënë se po e rrezikon stabilitetin në vend

Fatmir Humolli dhe Albin Kurti





Deputeti i Lëvizjes Lëvizjes Vetëvendosje, Fatmir Humolli, e ka kritikuar ashpër Qeverinë e Kosovës, duke thënë se qasja e saj po e rrezikon stabilitetin e vendit.

Në një prononcim për Telegrafin ka thënë se partia në pushtet e ka futur vendin në konflikt me të gjitha kategoritë shoqërore.

“Nuk është duke ndryshuar realiteti që ta ndryshoj unë pikëpamjen time. Realiteti është në atë gjendje që e përforcon atë që kam thënë unë. Po shpresoj që do të ndryshojë për të mirë”.

“VV-ja na ka futur në konflikt me të gjitha kategoritë shoqërore. Pra, me mësimdhënësit, veteranët e luftës e me të gjithë administratën e shtetit, e tash shteti është në konflikt me punëtorët e vet. Kjo parti po e rrezikon stabilitetin e vendit”, është shprehur ai.

Tutje, ka thënë se derisa Kosova e ka rrezikun “te dera” me Serbinë, Qeveria po merret me disa çështje që ka mundur shumë lehtë t’i rregullojë.

“Kam përshtypjen që Qeveria është bërë shumë burokrate dhe nuk po e sheh realitetin objektivisht se si po zhvillohet. Jam shumë i bindur që nëse pyeten deputetët e VV-së në mënyrë individuale, shumica janë të pakënaqur me gjendjen aktuale dhe vendimet e ekzekutivit. Por, kjo është kur deputetët harrojnë se çka iu kanë thënë qytetarëve”.

Humolli, mes të tjerash, ka bërë të ditur se në vitin e parë të qeverisjes të gjitha vërejtjet dhe kërkesat i ka adresuar brenda Grupit Parlamentar të Vetëvendosjes, por sipas tij, duke qenë se gjendja nuk ka ndryshuar, atëherë ka vendosur që t’i bëjë publike.

“Vërejtjet e mia janë publike këtë vit në funksion të vetëdijesimit edhe të qytetarëve edhe të Qeverisë”, është shprehur ai.

Ndryshe, deputeti Humolli më parë ka paralajmëruar edhe rrëzim të Qeverisë Kurti, nëse nuk ndryshon qasje.

“Nëse vazhdon kjo ngathtësi e Qeverisë për të përmbushur zotimet elektorale, duhet të bëhen ndryshime qeveritare. Unë për vete pa këto ndryshime nuk mund të qëndroj brenda grupit të LVV-së, pasi nuk po realizohen asnjëra nga kërkesat e mia personale për çfarë unë jam futur në listën e Lëvizjes Vetëvendosje”, pati thënë ai në “Debat Plus” në RTV Dukagjini. /Telegrafi/





Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Çfarë do t’i sjellin Kosovës ujditë në samitin e BE-së...

Të martën e 6 dhjetorit, samiti në Tiranë do të jetë i pari midis Bashkimit Evropian dhe Ballkanit Perëndimor që zhvillohet në territorin e...

Më të lexuarat

Rama polemikë me politikanin zviceran: Akuza për trafikim organesh është...

Kryeministri i Shqipërisë, Edi Rama, e ka pasur një polemikë me politikanin zviceran Damien Cottier, i cili i tha kryeministrit të Shqipërisë, se fjalimi...

Publikohen 9 pikat e planit franko-gjerman

Propozimi franko-gjerman për një kornizë të re të dialogut ndërmjet Kosovës dhe Serbisë po konsiderohet si një plan konkret për arritjen e një marrëveshjeje...

Bija e gruas së keqtrajtuar: Nuk kam fjalë ta shpreh...

Bija e gruas së moshuar e cila është keqtrajtuar fizikisht në një qendër për të moshuar në Pejë, nën emocione ka thënë se është...

Të fundit nga rubrika