Hungaria ka renovuar mbështetjen e saj për Serbinë në strategjinë e saj për të penguar ofertën e Kosovës për anëtarësim në Bashkimin Evropian, në Organizatën e Kombeve të Bashkuara dhe Këshillin e Evropës.
Hungaria njashtu ka paralajmëruar edhe rrëzimin e aplikimit nga ana e Kosovës për në BE.
Kështu ka bërë të ditur euronews, duke theksuar se një vendim i tillë vjen në një kohë më të zbutur mes Kosovës dhe Serbisë.
“Pranimi i parakohshëm i Kosovës nga entitete të ndryshme evropiane mund ta rrezikojë pajtimin”, ka thënë ministri i Jashtëm i Hungarisë, Peter Szijjarto.
Ndërsa, ka theksuar se nëse votohet për Kosovën si anëtare e Këshillit të Evropës, Qeveria hungareze do të jetë kundër.
“Prandaj, nëse votohet se a do të pranohet Kosova si anëtare e Këshillit të Evropës, qeveria do të votojë kundër”, ka shtuar Szijjarto, në një takim në Ministrinë e Jashtme të Hungarisë në Budapest.