Pas shtimit të rasteve të infektimit me virusin Covid-19, Instituti Kombëtar i Shëndetit Publik (IKShPK), ka vazhduar me thirrjen për vaksinim dhe për bartjen e maskave.
IKShPK ka bërë të ditur se përveç testimit, janë duke i gjurmuar të gjitha rastet e kontakteve me të infektuar.
Nga ky institucion u kanë rekomanduar atyre personave që kanë “kokëdhembje, kollitje, dhembje fyti, vështirërsi në frymëmarrje, rrjedhje hundësh, temperaturë, plogështi, humbje e shijes, të testohen”.
Po ashtu, IKShPK ka këshilluar që të gjithë personat e moshës mbi 12 vjeç të vaksinohen me dozën e parë, të dytë dhe të tretë, kurse me dozën e katërt të vaksinohen personat e moshës mbi 60 vjeç, me kusht që të kenë kaluar katër muaj nga marrja e dozës së tretë.
Ndërkaq, si pasojë e infektimit me Covid-19, të mërkurën është raportuar një rast i vdekjes.