Inflacioni për muajin qershor të vitit 2022, ka arritur në mbi 14 për qind.
Indeksi i tërësishëm i harmonizuar i çmimeve të konsumit është më i lartë në një mesatare prej 1,4 për qind në muajin qershor 2022 krahasuar me muajin maj 2022.
Norma vjetore e inflacionit e matur në muajin qershor 2022 me muajin qershor 2021 ishte 14,1 për qind.
Sipas të dhënave të publikuara nga Agjencia e Statistikave të Kosovës, produktet që janë shtrenjtuar më së shumti janë buka, drithërat, mishi, pemët dhe karburantet.
“Kjo kryesisht është shpjeguar me ngritjen e çmimeve të konsumit te nëngrupet e COICOP-it, buka dhe drithërat (1,1%), mishi (1,4%), pemët (3,0%), lëndët djegëse të ngurta, dru zjarri, pelet etj. (6,0%), karburantet dhe lubrifikantët për pajisjet e transportit personal (15,4%), shërbimet për transport (5,9%), e të tjera”, thuhet në njoftimin e ASK-së.
çmimeve në përqindje për grupe dhe nëngrupe sipas COICOP-it
Ndërsa rënie e çmimeve vërehet te qumështi, djathi dhe vezët (-1,6%), perimet (-10,9%), energjia elektrike (-0,7%) për shkak të rënies së konsumit (shpenzimeve) të energjisë elektrike në muajin qershor 2022 krahasuar me muajin maj 2022 me një ndikim prej -0,5 për qind në IHÇK-it.