Instituti Hidrometeorologjik, lidhur me reshjet e shiut në vend, ka njoftuar se të njëjtat mund të shkaktojnë disa vërshime të shpejta.
“Gjatë orëve të paraditës (e mekure 08/11/2023), kan filluar reshje të shiut në tërë vendin, me intenzitet më të lartë nëpër disa zona (veri-perendimore, qëndrore dhe veri-lindore) të cilat mund të shkaktojnë disa vërshime të shpejta, sidomos nga rrjedhat lumore me karakter malorë”, ka njoftuar Instituti Hidrometeorologjik.
Në njoftimin e tyre thuhet se këto vërshime mund të shkaktojnë pengesa në qarkullim, sisteme të kanalizimit, probleme në të gjitha aktivitetet bujqësore, probleme me trafikun, rrezik për rrëshqitje dheu e të tjerë.
Tutje, thuhet se nuk parashikohet të ketë përmbytje lumore, sidomos, nga lumenjtë kryesorë, të cilët aktualisht kanë nivele nën kuatat e tyre mesatare për këtë periudhë të vitit.