Këshilli Drejtues i Universitetit të Prishtinës “Hasan Prishtina”, ka bërë të ditur se ka miratuar agjendën e intervistimit dhe votimit të kandidatëve të cilën kanë plotësuar kushtet për konkurrim për pozitën e rektorit të Universitetit të Prishtinës “Hasan Prishtina”.
Në një email të shpërndarë për media nga Universiteti i Prishtinës, tregohet se intervistimi i kandidatëve do të bëhet me datën 21 nëntor 2022(të hënën), duke filluar nga ora 10:00, në sallën e Senatit të UP-së.
Gjersa theksohet se pas intervistimit të kandidatëve, do të bëhet edhe votimi për zgjedhjen e rektorit.
Kësisoj, Këshilli Drejtues ka ftuar mediat për monitorimin e këtij procesi.
Vlen të theksohet, se Naser Sahiti është shkarkuar nga pozita e rektorit të UP-së më 21 tetor 2022, ndërsa ushtruese e detyrës së rektores më pas është zgjedhur Luljeta Plakolli-Kasumi.
Në konkursin për rektor të UP-së, kanë aplikuar gjashtë burra dhe asnjë grua.