Ish-emisari gjerman në bisedimet Kosovë-Serbi, Wolfgang Ischinger, teksa ka folur për dialogun midis dy vendeve fqinje ka thënë se sugjerimi i vitit 2007, bazuar në modelin e dy Gjermanive, përjashton çështjen e statusit, ndërsa zgjidh çështjet praktike.
Kështu ka deklaruar ai përmes një postimi në llogarinë e tij në Twitter, ku ka shpërndarë edhe një shkrim lidhur me dialogun.
“Do të ishte mirë që sugjerimi ynë i vitit 2007 të zbatohej përfundimisht: Modeli i kontratës dt-dt – përjashtoni pyetjen e statusit, zgjidhni pyetjet praktike”, shkroi ai.
Es wäre schön, wenn unser Vorschlag von 2007 endlich umgesetzt werden würde: Modell dt-dt Vertrag – Statusfrage ausklammern, praktische Fragen lösen!
Verhandlungen in Belgrad: Wie der Westen den Kosovo-Konflikt beilegen will via @faznet https://t.co/GWUCBef2CL
— Wolfgang Ischinger (@ischinger) January 23, 2023
Ndryshe, Kosova dhe Serbia u vizituan nga pesë të deleguar për dialogun.
Kjo pesëshe ndërkombëtare përbëhej nga i dërguari i posaçëm i Bashkimit Evropian për dialog, Miroslav Lajçak, i shoqëruar nga emisari amerikan për Ballkanin Perëndimor, Gabriel Escobar, i dërguari i posaçëm i Francës, Emmanuel Bonne, ai i Gjermanisë, Jens Plotner, dhe Francesco Talo, këshilltar i kryeministres së Italisë.
Pas një takimi prej më shumë se dy orësh, Lajçak ka theksuar se ka pritur mirëkuptim të mundësisë që jep propozimi i BE-së, teksa ka shtuar se shpreson të shfrytëzohet potenciali i këtij propozimi.
“Qëllimi i këtij takimi ishte të diskutojmë për normalizim, kemi më shumë se dy orë me kryeministrin, takimi ishte i gjatë, jo i lehtë. Është shumë herët për të bërë ndonjë deklaratë dramatike, sepse siç e dini, ne jemi në mes të misionit tonë, pasi e dini që do të vazhdojmë për në Beograd, kështu që nuk mund të them shumë. Kemi pritur mirëkuptim të mundësisë që jep ky propozim, shpresojmë të shfrytëzohet potenciali i këtij propozimi”, ka deklaruar Lajçak.
Ky i fundit e cilësoi vizitën e tij si një “sinjal” për të treguar se sa të vendosur janë ndërkombëtarët në normalizimin e marrëdhënieve në mes Kosovës e Serbisë.