Ish-presidenti Hashim Thaçi ka kaluar natën në hapësirat e EULEX-it në Fushë Kosovë, një ditë pasi erdhi në vizitë të varrit të babait të tij, Haxhi Thaçi, i cili vdiq më 16 mars.
Haga lejoi Thaçin që të qëndrojë për dy ditë në Kosovë dhe pas vizitës së djeshme në Burojë, ai u dërgua në EULEX.
Vëllezërit e Thaçit me mëngjes sot janë parë duke hyrë në EULEX për vizitë te ai.
Tri ditë pas ceremonisë së varrimit të babait, Hashim Thaçit i është lejuar ardhja në Kosovë derisa ai ishte për vizitë të babait në spital pak ditë para se të ndërronte jetë pas tri kërkesave të njëpasnjëshme për lejim të vizitës.
Nga ana tjetër, fillojnë të mblidhen të rinjtë e PDK-së para zyrave të EULEX-it në Fushë Kosovë derisa ish Presidentin Hashim Thaçi po e vizitojnë brenda vëllezërit e tij.
