Njohësi i çështjeve të sigurisë, Avni Islami, ka publikuar një fotografi, që sipas tij, lidh djalin e presidentit serb, Aleksandër Vuçiq, me disa pjesëtarë të grupit terrorist të përfshirë në sulmin e 24 shtatorit në Banjskë, Zveçan.
Fotografia, e cila daton nga viti 2018, tregon Danilo Vuçiqin, djalin e Vuçiqit, në shoqëri të Marko Djukiç, Danijel Djukiç, dhe Lazar Radenkoviq, të cilët sipas Islamit, janë të lidhur me grupin terrorist të përfshirë në sulmin e Banjskës.
“Dëshmi se në sulmin terrorist në ‘Banjska’ ishte i implikuar shteti i Serbisë!
Në këtë foto, shihet djali i Aleksander Vuqiqit – Danilo Vuçiq së bashku me disa pjesëtarë të grupit terrorist të Banjska. Foto është e vitit 2018. Këtu shihet që janë Marko Djukic, Danijel Djukic dhe Lazar Radenkovic.
Fotografia është realizuar në ‘Bajova kula Beach Bar & Restaurant’ në Mal të Zi.
Sqarim në foto 1,2 dhe 3 -e:
1.Lazar Radenkoviq
- Danijel Djukiç (njeri nga personat me te afërt te M. Radoiçiq)
- Marko Djukiç (vëllau i Danijel Djukiç, i cili gjithashtu kujdeset për sigurinë personale të familjes se M. Radoiçiq, respektivisht djalit te tij, Petar Radoiçiq)”, ka shkruar Islami në Facebook.