Nënkryetari i Partisë Demokratike të Kosovës, Uran Ismaili ka thënë se, shefja e deputetëve të Vetëvendosjes sot ka kaluar çdo kufi me deklaratat e saj.
Ismaili ka komentuar votimin e ligjit më të cilin rritet paga minimale dhe është shkëputur rritja e pensioneve për veteranët e Ushtrisë Çlirimtare të Kosovës, ky i fundit ketë e ka cilësuar si padrejtësi dhe privimi i veteranëve nga një mbështetje sado të vogël për ish-pjesëtarët e UÇK-së.
“Dhe kjo padrejtësi u përcoll edhe me një ofendim skandaloz nga Shefja de Grupit Parlamentar të VV-së, Mimoza Kusari-Lila, pasi ajo, në një konferencë për media, ofendoi të gjithë veteranët, që ditë më parë kishin dalë në protestë për ta kundërshtuar përpjekjen e Qeverisë nga përjashtimi i tyre në ngritjen e pagës minimale”, ka thënë Ismaili.
Tutje ai ka shpjeguar çfarë kishte thënë Kusari, e kishte pyetur përfaqësuesin e Listës Serbe se ‘nëse do të ketë protesta për Projektligjin, a do të jeni edhe ju pjesë e protestave’, duke aluduar kështu në protestën që kishin thirrur shoqatat e dala nga lufta.
Ismaili ka propozuar që një kërkim-falja nga Mimoza Kusari-Lila, dhe gjithashtu kryeministri Albin Kurti, duhet të distancohet sipas Ismailit, kjo është gjeja më e vogla që duhet të ndodhë menjëherë, sot.
“Veterani i UÇK-së u la pa mbështetje. Por, fyerjen dhe barazimin me Listën Serbe nuk ia kishte borxh”, Ka deklaruar Ismaili.
Sipas Ismailit, ta barazosh aktivitetin e veteranit të UÇK-së me aktivitetin politik të përfaqësuesit të Listës Serbe është edhe një hap më shumë në degradimin e vlerave tona shtetërore e kombëtare.