Një grua në Istog ka raportuar në polici se nga një i dyshuar ka pasur dhunë dhe se i njëjti mbante armë në shtëpi.
Pas këtij raportimi, Policia e ka arrestuar të dyshuarin dhe, lidhur me këtë rast, nga bastisja në shtëpinë e të dyshuarit janë gjetur dhe konfiskuar dy pistoleta me dy karikatorë, dy pushkë gjuetie dhe 1 karikator, si dhe mbi 130 fishekë të llojeve të ndryshme.
“Istog 03.04.2024-21:06. Pas raportimit nga ankuesja femër kosovare se i dyshuari mashkull kosovar i ka shkaktuar dhunë dhe ka armë në shtëpi, njësitet policore i janë përgjigjur rastit dhe kanë arrestuar të dyshuarin. Lidhur me rastin është bastisur shtëpia me ç’rast janë gjetur dhe konfiskuar: dy pistoleta me dy karikatorë, dy pushkë gjuetie dhe 1 karikator, si dhe mbi 130 fishekë të llojeve të ndryshme. Personi i dyshuar ka prezantuar lejet përkatëse për armët e lartcekura, ndërsa me vendim të prokurorit pas intervistimit i dyshuari është dërguar në mbajtje”, thuhet në raportin 24-orësh të Policisë së Kosovës.