Ambasadori i Izraelit në Organizatën e Kombeve të Bashkuara (OKB), Gilad Erdan, ka falënderuar presidentin amerikan, Joe Biden për “qëndrimin e vendosur në anën e Izraelit” duke bllokuar rezolutën që kërkon një armëpushim të menjëhershëm në Gaza.
Në një postim në rrjetet sociale, Erdan thotë se ShBA-të treguan “lidership dhe vlera dhe “pak nga drita largoi shumë errësirë”, raporton The Guardian.
Erdan është kritik ndaj OKB-së, duke thënë se ai është tronditës që ndërsa “Hamasi po gjuan raketa në Izrael”, OKB-ja është “e zënë duke debatuar një rezolutë të shtrembëruar që do t’u mundësojë terroristëve të Hamasit të qëndrojnë në pushtet në Gaza dhe nuk e dënon Hamasin dhe nuk bën thirrje për lirimin e pengjeve”.
“Armëpushimi do të jetë i mundur vetëm me kthimin e të gjithë pengjeve dhe shkatërrimin e Hamasit”, ka theksuar Erdan.