Media shtetërore iraniane raporton se sot në Teheran do të mbahet një ceremoni funerali për Udhëheqësin Suprem, Ajatollah Ali Khamenei.
Khamenei u vra kur sulmet amerikano-izraelite nisën të shtunën teksa ceremonia pritet të fillojë sot pasdite dhe do të zgjasë tre ditë përpara procesionit të varrimit, sipas mediave shtetërore, shkruan BBC, transmeton Dukagjini.
The New York Times raporton, duke cituar zyrtarë iranianë, se djali i Khameneit, Mojtaba Khamenei, ka dalë si kandidati kryesor për t’u bërë udhëheqësi i ri suprem – me vendimin që mund të merret që këtë të mërkurë.
Ministri i Mbrojtjes i Izraelit, Israel Katz, ka deklaruar se çdo pasardhës që vazhdon planin për të shkatërruar Izraelin, për të kërcënuar Shtetet e Bashkuara” dhe “për të shtypur popullin iranian” do të jetë një objektiv i qartë për eliminim.