Kryetari i Shoqatës se Familjarëve të Dëshmorëve (SHFD), Xhavit Jashari, ka thënë se qëllimi i protestës së gjashtë qershorit ishte të dërgohet mesazhi tek institucionet e vendit dhe të bartësit e tyre, siç janë kryeministri dhe deputetët e Kuvendit të Republikës se Kosovës.
“Veteranët e Lirisë nuk do të lejojnë që tutje të nëpërkëmben dhe të mos iu jepet e drejta e tyre, që edhe këta të kenë një jetë të dinjitetshme si të gjithë të tjerët” ka thënë Jashari, i futar në emisionin FIVE në RTV Dukagjini.
Jashari ka shtuar se mospërfshirja e tyre në përfitimet nga shteti dhe shkëputja e kalkulimit të presionit të veteranit me rrogën minimale janë disa nga arsyet pse këta të fundit kanë protestuar të hënën e gjashtë qershorit.
Sipas Xhavit Jasharit nga SHFD-ja, çfarëdo implikime buxhetore të ketë Qeveria e Republikës së Kosovës, pensioni i veteranit të luftës nuk guxon të shkëputet nga paga minimale.
Tutje, ai ka thënë se ”insistimi i kryeministrit Albin Kurti, ta ndryshojë ligjin është insistimi për t’i nëpërkëmbur veteranët”.
Jashari gjithashtu ka folur për Kurtin, ku ka thënë se ai po tenton t’ia ulë autoritetin veteranëve, duke i ndarë nga paga minimale.