Gjatë një vizite në shkollë në mëngjesin e 7 majit që ka bërë Zonja e parë e Shteteve të Bashkuara të Amerikës, Jill Biden së bashku me zonjën e parë të Rumanisë, Carmen Iohannis, kanë biseduar me edukatorë ukrainas dhe rumunë, gjithashtu biseda ka pasur edhe me nënat ukrainase.
Zonja Biden, ka zhvilluar bisedë edhe me gazetarët, pas vizitës që bëri në shkollën e Uruguait, ajo ka diskutuar për ndikimin emocional që ka pasur gjatë kësaj vizite, raporton CNN.
Ajo gjithashtu ka përgëzuar për guximin e nënave ukrainase që ka takuar aty.
“Ishte kaq emocionale, apo jo? Unë mendoj se vërtet ukrainasit e dinë se ne jemi me ta,” i’u tha Biden gazetarëve.
Ju mund ta shihni; ata fëmijë kanë vuajtur vërtet, në shumë mënyra, mësuesit janë ata që i ndihmojnë këta fëmijë të përballen me traumën e tyre dhe të përballen me emocionet, si dhe t’iu japin atyre një ndjenjë normaliteti,” ska thënë Biden.
Sipas fotografive të publikuara, zonja e parë e SHBA-ve shihet e ulur në tavolinë së bashku me fëmijët, ku ata ishin duke paraqitur përmes një vizatimi se si do dukej bota pa luftëra.
Gjithashtu, zonjat e para zhvilluan edhe një seancë dëgjimore së bashku me edukatorë dhe me refugjatë.
Sipas CNN, pas kësaj seance dëgjimore, nxënësit kënduan himnin kombëtar rumun, në prapavijë me këngën e marshimit ushtarak ukrainas.