Eksperti i Ballkanit Perëndimor dhe hulumtuesi i Universitetit Johns Hopkins, Edward Joseph, ka thënë se presidenti i Serbisë, Aleksandër Vuçiq duhet të festojë për përparimin e votimit të Këshillit të Evropës dhe liberalizimit të vizave për qytetarët e Kosovës në Bashkimin Evropian.
Joseph ka thënë se votimi i së hënës, do ta nxisë formimin e Asociacionit të komunave me shumicë serbe.
“President Vuçiq, së shpejti diplomatët tuaj do të mund të diskutojnë çështje të rëndësishme të të drejtave të njeriut – jo në takimet e kryesuara nga BE-ja – por me kolegët diplomatë nga Republika e Kosovës, në Këshillin e Evropës. Votimi i KiE-së nxit menjëherë perspektivat për formimin e Asociacionit të komunave me shumicë serbe. Zbatimi do ta bëjë të pashmangshëm anëtarësimin e Kosovës në KiE, duke u dhënë serbëve qasje në Gjykatën Evropiane të të Drejtave të Njeriut. Dhe liberalizimi i vizave më në fund do t’u japë serbëve të Kosovës udhëtimin pa viza në BE”, ka thënë ai.
Joseph shtoi se meqë mirëqenia e serbëve të Kosovës është prioriteti kryesor i Vuçiqit, ai duhet ta kuptojë se ata janë përfituesi më i madh.
Ndërkohë ai theksoi se shefi i diplomacisë së BE-së, Josep Borrell, duhet ta informojë Spanjën dhe vendet tjera mosnjohëse ndaj Kosovës, të cilat janë anëtare të BE-së, se duke votuar kundër në KiE, Serbia ka shkelur marrëveshjen me Kosovën.
Because the welfare of Kosovo Serbs is clearly the ‘top priority’ for @avucic, Belgrade should be celebrating breakthrough CoE vote & EU visa liberalization – instead of sabotaged elections in north of Kosovo. After all, Kosovo Serbs are the biggest beneficiary: 1/5 🧵 https://t.co/luUbKYLVE7
— Edward P. Joseph (@edwardpjoseph) April 24, 2023