Kamberi pas bllokimit të qytetarëve: Mirë se vini në të ’90-at

Deputeti i vetëm shqiptar në Parlamentin e Serbisë, Shaip Kamberi, lidhur me bllokimin e shqiptarëve në kufijtë e Serbisë, ka thënë se kjo vjen pasi që Parlamenti Evropian, ka rekomanduar anëtarësimin e Kosovës në Këshillin e Evropës (KiE)

“Mirë se vini në të ’90-at”.

Kështu e ka filluar reagimin e tij lidhur me bllokimin e qytetarëve në kufijtë e Serbisë, deputeti i vetëm shqiptar në Parlamentin e Serbisë, Shaip Kamberi.

Kamberi ka thënë se Serbia tashmë ka filluar me “masa represioni ndaj shqiptarëve”, pasi që Parlamenti Evropian, ka rekomanduar anëtarësimin e Kosovës në Këshillin e Evropës (KiE).

Ai ka thënë se Bashkimi Evropian (BE) dhe institucionet tjera ndërkombëtare duhet të dalin me reagim të fuqishëm ndaj këtyre veprimeve të Serbisë.

Kamberi është shprehur se këto masa janë ndërmarrë ndaj shqiptarëve të Luginës së Preshevës, në vendkalimin kufitar “Dheu i Bardhë”, pas këtij rekomandimi të Parlamentit Evropian.

“Të rinjë shqiptarë nga Bujanoci, po ndalen sot, në pikën kufitare te “Dheu i Bardhë” duke u mbajtur me orë dhe vonuar në këtë pikëkalim. Kjo masë represive ndaj shqiptarëve të Luginës së Preshevës, po ndërmerret, krahas masave të njëjta që po ndërmerren ndaj shiptarëve të Kosovës nëpër pikëkalimet kufitare serbe, sidomos, në kufirin me Kroacinë”, ka shkruar Kamberi.

Deputeti i vetëm shqiptar në Parlamentin e Serbisë është shprehur se shteti serb sot është duke e shkelur brutalisht marrëveshjen për tabelat e regjistrimit.

“Këto masa po ndërmerren si masa retorzive pas hapit të rëndësishëm të Republikës së Kosovës për anëtarësim në KE.  Ndalesat nëpër kufij, patrullat policore dhe retorika e shfrenuar antishqiptare që po aplikohen ditët e fundit janë përsëritje e masave të agresionit të Serbisë ndaj shqiptarëve”, ka shkruar tutje ai.

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika