Kamberi të enjten takohet me presidentin Vuçiq, një nga prioritetet njohja e diplomave të Kosovës

Deputeti shqiptar Shaip Kamberi, ka bërë të ditur se të enjten do të takohet me presidentin e Serbisë Aleksandër Vuçiq, me të cilin do të diskutojnë mundësinë e përfshirjes në koalicionin qeverisës. Por Kamberi i ka disa kushte, siç është ajo e njohjes së diplomave të Kosovës nga shteti serb. Në rast se nuk merren parasysh kërkesat, Kamberi nuk do të jetë pjesë e Qeverisë së Beogradit

Shaip Kamberi, Deputeti shqiptar në Kuvendin e Serbisë

Deputeti i vetëm shqiptar i zgjedhur në Parlamentin e Serbisë, Shaip Kamberi, të enjten do të takohet me presidentin e Serbisë Aleksandër Vuçiq, me të cilin do të diskutojnë për mundësinë e përfshirjes së tij në koalicionin qeverisës.

Kamberi, për Portalin Dukagjini, ka thënë se në takim do ta paraqesë një plan me shtatë pika, dhe pastaj sipas tij, do të presin nga presidenti Vuçiq, nëse do t’i plotësojë ato kërkesa apo jo.

“Nesër (të enjten) kemi takim me presidentin. Kërkesa jone prioritare është realizimi i Planit shtatëpikesh. Do të shohim pas takimit nesër se çfarë ofrojnë”, ka thënë Kamberi.

Kamberi ka thënë se nuk është prioritet i partisë së tij të jetë pjesë e qeverisë serbe, por sipas tij është më e rëndësishme përfaqësimi proporcional i shqiptarëve në institucionet serbe, zhvillimi ekonomik dhe njohja e diplomave të Kosovës në Serbi.

“Nuk është prioritet yni të jemi në qeveri, por të sigurojmë përfaqësim proporcional të shqiptarëve në institucionet shtetërore dhe publike, të ketë zhvillim ekonomik, të njihen diplomat e Kosovës, më prioritare janë këto kërkesa sesa të kemi një apo dy sekretarë shtetërorë”, ka deklaruar Kamberi.

Kamberi është deputeti i vetëm i cili më pesë korrik të vitit 2022, i ka marrë votat e mjaftueshme për ta marrë tashmë mandatin e tretë të tijin si deputet në Parlamentin e Serbisë. Brenda një kohe të shkurtër, Kamberi ka qenë pjesë e procesit zgjedhor mbi katër herë, kjo për shkak të përsëritjeve të zgjedhjeve disa herë me radhë si shkak i parregullsive të ndryshme.

Ai vazhdimisht është ankuar se shteti serb me qëllim ka dashur që t’ia pamundësojë zgjedhjen e tij si deputet, në mënyrë që zëri i shqiptarëve të mos dëgjohet në parlamentin serb.

Në mbështetje, Kamberit i kishte dalë i gjithë spektri politik në Kosovë.

Ky do të jetë mandati i tretë i tij, si deputet në parlamentin e Serbisë.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika