Ne i kemi përzgjedhë katër ide të cilat kanë vitamina, proteina dhe vlera ushqyese të mjaftueshme për organizmin tonë.
Kombinimi i parë përfekt për një recetë mëngjesi:
Kjo pjatë asht ideale për secilin që mundohet me ju shmangë karbohidrateve.
Yndyra e djathit, proteinat prej vezëve, vitaminat prej kastravecave e dredhëzës, që plotëson normën e vlerave ushqyese.
Kurse për shije (sepse ushqimi s’ka pse me qenë bajat) pak leajthia e suxhuk bosne.
Pjata e dytë me vlera ushqyese
Nëse suxhuku nuk është zgjedhja jote e parë, lirisht nise mëngjesin me këtë pjatë, sidomos nëse ka tepru peshk prej darkës (salmon specifikisht).
Vezët, salmoni, avokado, kërpudhat e spinaqi i fërgum janë një super-kombo jo vetëm sa i përket vlerave ushqyese, por edhe shijes.
Proteina, yndyrna të shendetshme e hekur janë vetëm disa prej vlerave të cilat i merr prej nji shujte të tillë.
Pjata e tretë me plotë shije dhe vitamina
Meqë mjekët thonë që një ve në ditë largon rreziqet e sëmundjeve të zemrës, ky është kombinimi të cilin ta përmendëm e që përmbanë pak karbohidrate.
Një rriskë bukë thekre me tunë e avokado, pak sallatë rukolle, ve, ullinjë e perime janë ato çka këtë pjatë e bëjnë me vlera ushqyese.
Pjata e katërt
Ky kombinim flet për plot shije prej kërpudhave e parmezanit, plot yndyrë të shëndetshme prej avokados e i mbushur vitamina prej brokollit, plot proteina prej vezëve e plot shije prej kërpudhave.
Të gjitha këto kombinime janë sygjerime për alternativa të shëndetshme mëngjesi.