Si pasojë e një aksidenti në rrugën Prishtinë-Pejë, afër Parkut të Biznesit në Drenas janë lënduar katër persona.
Aksidenti ka ndodhur mes tri veturave ndërsa të lënduarit kanë kërkuar ndihmë mjekësore.
Lajmin e ka konfirmuar zëdhënësi i policisë, Bajram Krasniqi.
Policia është njoftuar për një aksident trafiku të ndodhur rreth orës 17:00 në rrugën nacionale Prishtinë-Pejë (te Parku i Biznesit). Njësiti policor, që i është përgjigjur rastit, njofton se në aksident janë përfshirë tri vetura, katër persona kanë kërkuar ndihmë mjekësore”, ka thënë Krasniqi për G.Express, përcjell Dukagjini.