Klubi i Basketbollit, Peja ka njoftuar se ka arritur marrëveshje me trajnerin e njohur izraelit, Rami Hadar.
Pak orë pasi që ka njoftuar se kanë ndarë rrugën me trajnerin turk, Can Sevim, ata e zyrtarizuan zëvendësuesin e tij, izraelitin, Rami Hadar.
Hadar ka një përvojë të madhe në ligën e Izraelit si dhe Euroligë, ku ka drejtuar skuadrat si Maccabi Tel Aviv, Maccabi Haifa, Hapoel Afula dhe Hapoel Beer Sheva.
“KB Peja ka kënaqësinë të njoftoj se ka nënshkruar me trajnerin e mirënjohur izraelit, Rami Hadar. Përvoja e tij presim ti ndihmoj KB Pejës në muajt në vazhdim për të rikthyer ekipin në luftën për titull”, thuhet në njoftimin e Pejës.