Recetat e shpejta janë ato më të preferuarat, mirëpo, ato që marrin shumë kohë shijojnë po aq. Recetën e mëposhtme mund ta realizoni brenda 40 minutave.
PËRBËRËSIT:
- 3 kokrra vezë
- 100 gr gjalpë
- 150 gr sheqer
- 300 gr miell
- 1 lugë çaji pluhur për pjekje
- 4 kokrra mollë
- ½ lëng limoni
- 2 lugë gjelle sheqer për mollët
- Sheqer vanilje
PËRGATITJA:
Në një tas fillimisht shtoni vezët me sheqerin, i rrihni me mikser elektrik derisa sheqeri të shkrihet dhe veza të bëhet kremoze. Shtoni gjalpin e shkrirë dhe të ftohur, i përzieni së bashku duke shtuar pak nga pak miellin e situr dhe pluhurin pjekës. Masa që është krijuar e shtroni në një tavë keku.
Ndërkohë qëroni mollët, i prisni ato në feta me trashësi mesatare dhe i përzieni me lëng limoni, 2 lugë sheqer, vanilje dhe pak kanellë. Mbuloni komplet tavën e kekut me feta molle në formë rrethore dhe e vendoseni atë në furrën e parangrohur në 180 gradë Celsius për 35-40 minuta. Pasi keku të ftohet, mund ta pudrosni me sheqer pluhur sipas dëshirës.
Ju bëftë mirë!