Korporata Energjetike e Kosovës (KEK) ka njoftuar se pas përpjekjeve të bëra për ta rregulluar dhe përmirësuar njësinë A-5, ka arritur ta kthejë atë në funksionim normal pas kohës së remontit.
“Korporata Energjetike e Kosovës ju njofton se njësia A5 pas përfundimit të remontit kapital dhe eliminimit të të gjitha vërejtjeve të evidentuara gjatë fazës testuese, kjo njësi është rikthyer në operim sot pas mesnate me datë, 21.05.2023”, thuhet në njoftim.
Po ashtu, KEK-u ka njoftuar se të hënën në operim janë tri njësi të TC-A dhe një njësi e TC-B.