Këngëtarja që përfaqësoi Shqipërinë në garën evropiane të këngës “Eurovision”, Albina Kelmendi ka thënë se arritja më e madhe e saj ishte pjesa kur qytetarë të huaj këndonin këngën e saj dhe të familjes Kelmendi, “Duje”.
E ftuar në “Fundjavë” në RTV Dukagjini, Kelmendi ka deklaruar se vet eksperienca e Eurovision ishte një ëndërr e realizuar për gjithë familjen.
“Kjo ka qenë mbi të gjitha një ëndërr e gjithë familjes e cila është realizuar në një mënyrë më të mirë dhe më të shpejt sesa që e kemi pritur. Që nga fillimi kemi qenë në dijeni që ka qenë një garë sfiduese dhe jemi përgaditur psiqikisht që gjashtë muaj para se të ngjitemi në skenën e madhe të Eurovisionit me u përgadit për këtë eksperiencë që të përfaqësojmë gjithë shqiptarët në mënyrën më të mirë”, ka thënë Kelmendi gjersa ka theksuar se “Kënga ‘Duje’ është dashtur shumë dhe ka qenë surprizuese për neve duke i dëgjuar të huajt të këndojnë shqip. Për ne ajo ka qenë arritja më e madhe”.
Kelmendi ka bërë të ditur se është duke punuar drejt realizimit të një albumi të saj, bashkëpunim i cili do realizohet së bashku me kompozitorin e njohur, Armend Rexhepagiqin dhe jo vetëm.