Kryetari i partisë “Fjala”, Gëzim Kelmendi, në “Debat Plus” në RTV Dukagjini, për zhvillimet e fundit mes Izraelit dhe Palestinës ka thënë se paraqesin një vazhdimësi të rezistencës së popullit palestinez, pothuajse 80 vjeçare.
“Ngase nga viti 1947 kur zyrtarisht është bërë ndarja e shtetit të Palestinës, nga ai vit pothuajse 80 vite populli palestinez është ballafaquar me dhunë, terror, gjenocid, pushtim të pronës, arrestime, vrasje të civilëve në veçanti dhe kjo çfarë ka ndodhur të shtunën paraqet një rezistencë të popullit palestinez për rikthimin e lirisë së humbur dhe rikthimin e tokave të pushtuara”, ka thënë Kelmendi.
Kelmendi ka thënë se për 80 vite regjimi i Izraelit ka terrorizuar e persekutuar popullatën palestineze civile.
“Një popull nuk i nënshtrohet një agresori pavarësisht çmimit që mendon ta paguajë”, ka thënë ndër të tjerash ai.