Kërcënimet nga Serbia, shkak për interesim të ulët në konkursin për policë

Përderisa nga pushteti insistojnë se ka interesim të qytetarëve nga komuniteti serb për t’u bërë pjestar të Policisë së Kosovës, deputetë nga opozita nuk pajtohen me këtë konstatim. Zëvendësimi i policëve në veri, sipas opozitës, do të jetë i vështirë shkaku i kërcënimeve nga Serbia

Ilustrim

I vështirë e sfidues po vlerësohet procesi i zëvendësimit të rreth 500 zyrtarëve policor në veri të Kosovës, të cilët dhanë dorëheqje muaj më parë.

Përkundër hapjes së konkursit në fillim të këtij muaji, nga Policia e Kosovës, sipas ish drejtorit të Policisë së Kosovës, Rashit Qalaj, tani deputet i PDK-së, interesimi ka qenë i ulët, për shkak të kërcënimeve nga Serbia.

“Janë duke bërë kërcënime të vazhdueshme dhe trysni, dmth edhe strukturat e një shteti të huaj, pra Serbisë, po me elemntet që kanë, në veri që sa më pak njerëz të aplikojnë në konkurs. Unë e di që ata kanë me u ballafaqu me probleme, ndoshta cështje të sigurisë, jo vetëm ata por edhe familjet e tyre, është mjaft sfiduese të shikojmë, deri tash informatat që unë i kam, është një numër fare i vogël i njerëzve që kanë aplikuar, coftë në mënyre fizike apo mënyre online”, ka thënë Rashit Qalaj nga PDK.

Sipas, Qalajt ekzekutivi duhet të gjejë një zgjidhje për këtë situatë, ku në rast të mungesës së aplikantëve, duhet dërguar më shumë policë nga stacionet e tjera.

Kryetari i komisionit për siguri, njëherësh deputet i AAK-së, Bekë Berisha, situatën në veri e përshkruan si kaotike, e për çka fajëson qeverinë.

“Ka kohë që në veri në Mitrovicë, dmth nuk ka nuk funksionon komuna, ska policë ska uniformë të Policisë, ska prokuror nuk ka gjykatës është gjendje kaosi ka 3 javë që mbahet kjo pyetje se cka do të ndodhë me rekrutimin e policëve, këtë cështje e rregullon ligji dhe nuk kam cka me u përgjegjë për këtë punë, dhe duhet të pyesim qeverinë e Kosovës apo institucionet për këtë gjendje, sepse po shihet se ku e kanë pru Kosovën”, ka deklaruar deputeti Bekë Berisha nga radhët e AAK-së.

Në anën tjetër, deputetë të Lëvizjes Vetëvendosje, thonë se në këtë konkurs ka mjaftë të interesuar, derisa shtojnë se zyrtarët policor të dorëhequr që janë dekoruar nga instutucionet serbe, nuk do të kthehen më në institucione të Kosovës.

“Sigurisht që ka aplikues, sa do të jetë e rëndësishme për këta edhe sa do të ketë interesim, kjo do mbetet të shihet, z.Kelani ka dhënë një deklaratë, komunikatë për media ku ka treguar që procesi është tek në fillim, pra mendoj që duke pasur parasysh situatën politike, kur qytetarëve serb atje ju djegeshin vet nga Lista Serbska, dhe vet nga Beogradi zyrtar edhe veturat edhe shtëpitë, pse psh njani prej policisë atje e regjistroj veturën në rks, në këtë kuptim nuk duhet të behet e madhe, por që ka interesime ka edhe aplikime, këto ua them me vendosshmëri”, ka thënë Arbër Rexhaj nga LVV.

Për zëvendësimin e puntorëve në qendra për pajisje me dokumente dhe në Qendrat për Regjistrimin e Automjeteve, në komunat veriore, Ministria e Punëve të Brendshme, kishte hapur konkurs për 200 punëtorë, por i njëjti u shty për disa ditë, për të përfunduar javën e kaluar.

Nga MPB-ja, nuk kanë treguar se sa është numri i aplikimeve, por vetëm kanë treguar se intersimi ka qenë i konsiderueshëm, dhe se pas përmbylljes së konkursit po veprohet sipas procedurave ligjore.

“Në konkursin për Zyrtar administrativ në Qendrat për Pajisje me Dokumente dhe në Qendrat për Regjistrim të Automjeteve në ARC, në komunat: Mitrovicë e Veriut, Zveçan , Zubin Potok dhe Leposaviç dhe Zyrtar administrativ në Agjencinë për Menaxhimin e Emergjencave në komunat: Mitrovicë e Veriut, Zveçan , Zubin Potok dhe Leposaviç, ka interesim të konsiderueshëm. Ashtu siç është paraparë në konkursin publik të shpallur, do të pranohen 200 zyrtarë. Konkursi është mbyllur dhe po veprohet sipas procedurave ligjore”, thuhet nga Ministria e Punëve të Brendshme.

Informacione në lidhje me interesimin e personave në konkursin për zyrtar policor që është i hapur deri më 26 janar, nuk kanë dhënë detaje as nga Policia e Kosovës.

“Siç jeni të informuar konkursi është hapur, përfshirë me kriteret që parashihen, ndërsa sa i përket procesit/çështjeve të mëtejme rreth konkursit në fjalë do të informoheni me kohë sipas planifikimeve/fazave që parashihen. Policia e Kosovës, çdo herë inkurajon dhe fton qytetarët, komunitetet pakicë që të aplikojnë dhe të bëhen pjesë e Policisë së Kosovës”, thuhet nga Policia e Kosovës.

 

 

 

 

 

 

 

 

 

 

Shija e redaktorit

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Më të lexuarat

I shpallur në kërkim ndërkombëtar nga Gjermania, 25-vjeçari nga Kosova...

Një 25-vjeçar nga Kosova është ndaluar në Morinë, pasi ishte shpallur në kërkim ndërkombëtar nga Gjermania. Policia njofton se i riu me inicialet J. D,...

Qytetari tregon si i mbeti kamioni në barikada, tregon se...

Një qytetar ka treguar se si i ka mbetur kamioni në barrikadat e vendosura në Veri të Mitrovicës. Ai thotë se i maskuari, duke...

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Të fundit nga rubrika