Kërkesa e Hajdar Ademaj dhe Zade Ademaj, prindërit e Lirdonës, që i kanë bërë Prokurorisë që t’ua mundësoj zhvarrosjen dhe rivarrosjen e trupit të së bijës është aprovuar.
“Mund t’iu konfirmojmë se prokurorja e rastit ka aprovuar kërkesën e familjarëve të së ndjerës për zhvarrosjen dhe rivarrosjen e trupit në fshatin e tyre”, thuhet në përgjigjen e Prokurorisë Themelore.
Ndër të tjera, Prokuroria bënë apel që të tregohet konsidertë karshi familjarëve të viktimës dhe të respektohet e drejta e privatësisë gjatë procedurës së rivarrimit të trupit të viktimës, pasi sipas Prokurorisë kjo ka qenë kerkesë e familjes së viktimës drejtuar organeve kompetente.
“Gjithashtu, iu bëjmë apel që të tregoni konsideratë karshi familjarëve të viktimës, lidhur me shkrimet e publikuara ndaj kësaj çështjeje, kjo pasi ka qenë kërkesë e vetë familjarëve të viktimës tek organet e hetuesisë, meqenëse në këto çaste janë duke përjetuar momente të vështira dhe kërkojnë të respektohet e drejta e privatësisë edhe gjatë procedurës së rivarrimit të trupit të viktimës”.