Kërkohet shkarkimi i Donika Gërvallës, shkas mospërmendja e UÇK-së

Edhe një herë tjetër partitë opozitare po kërkojnë shkarkimin e ministres së Punëve të Jashtme, Donika Gërvalla – Schwarz. Këtë herë shkas është bërë një status i saj për ditën e çlirimit, ku nuk i përmendi ushtarët e UÇK-së, por vetëm NATO-n e KFOR-in

“Në ditën e çlirimit të Kosovës kujtojmë edhe të gjithë ushtarët e NATO-s dhe KFOR-it, të cilët kontribuuan fillimisht në çlirimin e Kosovës dhe më pas në paqen dhe stabilitetin e saj. Nderimi dhe mirënjohja jonë për ata ushtarë, të cilët gjatë këtij misioni fisnik humbën jetën, do të jetë i përjetshëm”, ka shkruar ministrja e punëve të jashtme të Kosovës, Donika Gërvalla-Scharz.

Kjo pjesë e statusit të ministres së Jashtme të Kosovës, në ditën e çlirimit ka nxitur shumë reagime.

Diplomatja kosovare, Donika Gërvalla, në një status të saj për nder të 23 vjetorit të çlirimit të Kosovës, vend nuk i bëri askund Ushtrisë Çlirimtare të Kosovës.

Ky postim, u bë shkas që të kërkohet dorëheqja e saj.

Deputeti i AAK-së, Pal Lekaj, parti që kreun e saj e kishte komandat të luftës së fundit, e quan këtë, sulm në vlerat e UÇK-së.

“Po të ishte një qeveri normale është dashur të shkarkohet menjëherë ministrja Gërvalla, por fatkeqësisht në kemi një qeveri turiste që çdo gjë që është ndërtuar me mund e sakrificë po e hedhin poshtë”, kishte deklaruar Lekaj.

Nëse për asgjë, dorëheqja të paktën duhet të bëhet për ato familje që i kanë humbur familjarët e tyre gjatë luftës, thotë Hisen Berisha nga PDK.

“Dorëheqja është akt moral dhe krejt varet nga këndi që e sheh ministrja. Kjo ministre dhe vetë Qeveria nuk është ky gabimi më i madh që e kanë bërë. Prezantimi i tyre nëpër botë po i bëjnë dëme të mëdha Kosovës’’, ka thënë Berisha.

Për postimin e ministres Gërvalla dhe reagimet që nxiti, RTV Dukagjini ka pyetur edhe Ministrinë e Punëve të Jashtme, por ata nuk janë përgjigjur.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika