Pas kërkesës së Policisë së Kosovës, njësia finlandeze e KFOR-it ka asgjësuar një mjet të dyshuar shpërthyes në jug të Mitrovicës.
Në njoftim thuhet se kjo njësi është e trajnuar dhe e pajisur për trajtuar mjetet e pashpërthyera kurdo dhe kudo që kërkohet.
“Pas një kërkese të Policisë së Kosovës, personeli finlandez i dislokuar me Komandën Rajonale në Lindje të misionit të KFOR-it të udhëhequr nga NATO ka ndihmuar në asgjësimin e sigurt të një municioni të dyshimtë shpërthyes të zbuluar në jug të Mitrovicës, më 16 maj 2024”, thuhet në njoftim.