Përfaqësuesit e Forcave të Armatosura të Serbisë, në vendkalimin kufitar në Merdar, kanë marr përgjigje nga përfaqësues të KFOR-it në kërkesën e tyre për kthimin e një numri të pjesëtarëve të Ushtrisë dhe Policisë serbe në territorin e Kosovës.
Mediat në Serbi kanë bërë të ditur se përgjigja nga KFOR-i është marrë në vendkalimin kufitar në Merdar.
“Ministria e Mbrojtjes ka dorëzuar dokumentin e lartpërmendur në Kabinetin e Presidentit të Republikës dhe Komandantit të Përgjithshëm të Forcave të Armatosura të Serbisë, Aleksandar Vuçiq, me qëllim që ta njoftojë Presidentin me përmbajtjen e përgjigjes së KFOR-it”, thuhet në njoftimin e Ministrisë serbe të Mbrojtjes.
Ata bënë se zyra e Presidentit serb konfirmoi marrjen e dokumentit dhe tha se Vuçiqi do të njoftohet për përmbajtjen e përgjigjes sapo të mbërrijë nga Hilandar.
Qeveria e Serbisë i ka dorëzuar më 16.12.2022 një letër KFOR-it, në të cilën i ka kërkuar që të bëhet kthimi i një numri të trupave serbe në Kosovë.