Këshilli Gjyqësor i Kosovës (KGJK) dhe Këshilli Prokurorial i Kosovës (KPK), i është kundërpërgjigjur akuzave të kryeministrit të Kosovës, Albin Kurti, se të njëjtit kanë qëndruar në heshtje për rastin e dhunimit të një 11-vjeçareje në Prishtinë javën e kaluar.
Ndërsa, dy institucionet në fjalë kanë thënë se janë të përgjegjshme, të pavaruara dhe profesionale, dhe sipas tyre nuk janë si disa institucione që përmes reagimeve me deklarata publike nuk përngjajnë në institucione shtetërore.
“Lidhur me këtë rast, ne si institucione kompetente në koordinim të plotë me institucionet tjera relevante, kemi ndërmarrë të gjitha veprimet dhe masat e nevojshme për trajtimin e rastit me profesionalizëm”, thuhet në komunikatën për media.
Po ashtu, Këshilli Gjyqësor dhe Këshilli Prokurorial i kanë bërë thirrje Qeverisë që të përmbush përgjegjësitë kushtetuese dhe ligjore për krijimin e kushteve të nevojshme, për strehimin dhe rehabilitimin e viktimave të krimit, në mënyrë që sipas tyre viktimat e krimit të mos të mbesin në mëshirën e organizatave jo qeveritare për strehim dhe rehabilitim.
Ndërkaq, Këshilli Gjyqësor dhe Këshilli Prokurorial, iu ka siguruar qytetarëve se janë të vendosur vetëm për përmbushjen e obligimeve kushtetuese dhe ligjore lidhur me këtë rast, dhe të gjitha rastet e tjera pa përjashtim.
Kurti në lidhje me dhunimin e 11-vjeçares: Nuk mjaftojnë vetëm dy dorëheqje