Abdullah Klinaku ka folur në cilësinë e juristit ku ka thënë se kuptimi i fjalës Selam sipas doktrinës është paqe, sepse i dërguari Muhammed kishte për mision përhapjen e kësaj feje prandaj kishte duruar përgjakjen e torturën vetëm që të mos kishte dhunë.
Sipas tij, “aspekti juridik është shumë i qartë se dhuna nuk është instrument për zgjidhjen e problemeve dhe duhet të gjykohet e të dënohet ndaj çdo kujt që ushtrohet”.
Dibran Istrefi, nga RTV DUKAGJINI e ka pyetur se kur përdoret dhuna dhe çfarë nënkupton ajo?
Ai i është kundërpërgjigjur duke i thënë “nëse ne përpjekim që nëpërmjet ekstremizmit fetar me goditë Islamin, e ndjejë të obligueshme me përmend rrjedhën dhe doktrinat e Islamit”.
Tutje ai ka sqaruar se si feja Islame është unifikuese , ku sipas tij, profeti Muahmmed kishte pajtuar në kohën e tij një luftë civile në mes fiseve sepse doktrina e kësaj e feje është paqja.
Përveç kësaj, ”Islami ka mbjellë paqe dhe në vende tona, prej vitit 1480 në këtë Kosovë ka pasur një tolerancë në mes të feve, por dhe midis fiseve dhe nacionaliteteve të ndryshme”.
“Prej viti 1878, ku brenda një lëvizje kombëtare, kanë qenë të inkuadruar të gjitha fetë… e deri të 1912 dhe deri të pajtimi i gjaqeve nga Hoxhallarët e priftërinjtë”, ka shtuar ai në Debat Plus.
Sipas tij, në kohën e fundit BIK është bërë bashkë dhe me bashkësitë të tjera fetare për mbrojtjen e familjes.
Tutje ai ka përfunduar se Bashkësia Islame e Kosovës ka kontribuuar për Kosovën ndër vite.