Gjenerali, Bashkim Jashari është duke e realizuar një vizitë zyrtare në Turqi pas ftesës së homologut turk, Gjeneral Jashar Guler i cili është Komandant i Forcave të Armatosura të Turqisë.
Gjatë qëndrimit të Jasharit, në Turqi ai u prit në takim zyrtar edhe nga Ministri i Mbrojtjes së Turqisë, Hulusi Akar, ku me të ka biseduar për zhvillimet e sigurisë në Evropë , rajon dhe sector të sigurisë së mbrojtjes.
Mbështetja e Turqisë për Kosovën ka qenë një temë e veçantë, ku është diskutuar për pjesëmarrjen në programin e Parneritetit për Paqe dhe drejt antarësimit në NATO.
Gjeneral Jashari, u prit me nderime të larta në Shtabin e Përgjithshëm të Forcave të Armatosura të Turqisë, nga Gjenerali Guler.
Diskutim tjetër në Shtabin e Përgjithshëm, ka qenë edhe pjesëmarrja e FSK-së në ushtrimin fushor ndërkombëtar në Turqi, që ka përfunduar pak ditë më parë me një përformancë të mahnitshme nga pjestarët e FSK-së.
Vizita ka vazhduar në qytetin e Stambollit nga gjenerali, Bashkim Jashari.