Komandanti i KFOR-it, gjeneralmajor Ozkan Ulutas, ka vizituar liqenin e Ujmanit, ku u takua me një njësi patrulluese letoneze në detyrë.
Vizita vjen dy ditë pas një incidenti ku një granatë dore dyshohet se u hodh në zonë, duke dëmtuar dy vetura. Policia e Kosovës ka bastisur një shtëpi në Zubin Potok në lidhje me këtë ngjarje.
“Sot, komandanti i misionit #KFOR të udhëhequr nga #NATO, gjeneralmajor Özkan Ulutaş, u takua me një njësi patrulluese letoneze në detyrë në liqenin e Ujman/Gazivoda. KFOR-i po monitoron nga afër çdo zhvillim të sigurisë dhe mban një qëndrim të shkathët dhe fleksibël në mbarë Kosovën, në përputhje me mandatin e tij të OKB-së.
Gjeneralmajor Ulutaş shprehu mirënjohjen e tij për ushtarët letonezë për kontributin e tyre të vazhdueshëm në përpjekjet e KFOR-it”, thuhet në njoftim.