Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës ka miratuar në mbledhjen e së premtes planin e veprimit.
Pas kësaj, Komisioni e vazhdoi punën pa praninë e mediave, ku në rend dite ishte shqyrtimi i CV-ve të ekspertëve, raporton EO.
Fillimisht, kryetari i këtij Komisioni, Driton Selmanaj, kërkoi që t’i kenë dokumentet e nevojshme nëse ka pasur elemente të diskriminimit në kohën kur është marrë vendim për shtrenjtim të energjisë elektrike.
Ndërsa, deputetja e Lëvizjes Vetëvendosje, Mimoza Kusari-Lila, tha se vendimi i Gjykatës Themelore dhe e Apelit është i gabuar.
Qëllimi i themelimit të komisionit është hetimi i krizës energjetike nga tremujori i fundit i vitit 2021 e deri më sot, që i bie deri më 5 maj. Sa i përket kërkesës për dokumente, vendimi i Gjykatës Themelore dhe të Apelit është i gabuar. Këto dyja nuk po i shoh te ndonjë relevancë”, tha ajo.
Të premten e 27 majit, gjatë mbledhjes së Komisionit Hetimor Parlamentar, deputetët e Lëvizjes Vetëvendosje kanë kërkuar që në listën e dëshmitarëve të përfshihen edhe kryetarët e partive opozitare.