Komisioni Hetimor për tekstet shkollore më 21 qershor propozon tre ekspertë

Të premten e 21 qershorit, Komisioni Hetimor Parlamentar për subvencionimin e teksteve shkollore për vitin 2023/24 do të mblidhet për propozimin e tre ekspertëve

Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024, të premten ka diskutuar rreth angazhimit të ekspertëve.

Kryetari i këtij komisioni nga radhët e AAK-së, Shemsedin Dreshaj, tha se janë nëntë aplikime.

“Ne e kemi marrë një listë pasi është kryer afati i aplikimit, gjithsej i kemi nëntë aplikime, dokumentacioni është i bollshëm”, ka deklaruar Dreshaj.

Deputeti nga Partia Demokratike e Kosovës (PDK), Bekim Haxhiu, tha se në bazë të nevojave i sheh tre ekspertë, në fushën e ekonomisë, një në aspektin juridik dhe një ekspert në auditim e arsim, dhe pastaj gjithsecili të ofrojë një ekspertizë me eksperiencën e tij profesionale.

“Ne i kemi emrat, në fushën e sferës së ekonomisë ta kemi një ekspert, nga ana e auditimit dhe arsimit të kemi një ekspert, edhe në aspektin juridik. Nëse janë më shumë se 2-3 të njëjtës fushë, i angazhojmë ata që kanë më shumë eksperienca profesionale”, ka deklaruar Haxhiu.

Duke ironizuar, Haxhiu se për aspekte të filozofisë duhet të thirret kryetari i Kuvendit, Glauk Konjufca.

“Në kandidaturë po e shoh që ka edhe të fushës së filozofisë dhe mendoj që ndoshta mund të na hyjë edhe në punë por për aspekte të filozofisë e kemi kryetarin e kuvendit dhe nëse na duhet e marrim kryetarin e kuvendit për çështje të filozofisë”, u shpreh ai.

Ndërsa, deputeti nga pushteti, Armend Muja, tha se ende nuk e ka parë plotësisht materialin e dokumentacioneve dhe se, sipas tij, duhet të vlerësohen kush i ka plotësuar kushtet dhe të paraqiten pastaj.

Derisa deputetja e LDK-së, Vlora Dumoshi, deklaroi se dokumentacioni është i kompletuar.

Ndryshe, komisioni vendosi që të premten në ora 10:00 të mbahet mbledhja e radhës për të propozuar emrat e tre ekspertëve.

Në mbledhjen e kaluar, anëtarët e komisionit ishin pajtuar që përzgjedhja e ekspertëve të bëhet në formë të thirrjes dhe jo të konkursit.

Në mbledhjen e këtij komisioni më 17 maj, deputeti i Partisë Demokratike të Kosovës (PDK), Ardian Kastrati, ka hedhur dyshime se ka pasur keqpërdorime të buxhetit nga Ministria e Arsimit në vitin e kaluar për tekstet shkollore.

“Hajni e MAShT-it”, Kastrati hedh dyshime për keqpërdorim të buxhetit për tekstet shkollore

Kastrati e ka quajtur hajni të MAShT-it keqpërdorimin e buxhetit për tekstet shkollore, teksa ia ka drejtuar disa pyetje.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika