Kryeparlamentari, Glauk Konjufca, ka shprehur zhgënjimin e tij ndaj deklaratave të Përfaqësuesit të Lartë të Bashkimit Evropian, Josep Borell, pasi ky i fundit ka uruar qeverinë e re të Serbisë, ku në kabinet ka dy ministra të sanksionuar për korrupsion.
“Me keqardhje dëgjohet se BE-ja po pret me padurim të punojë me qeverinë serbe, duke përfshirë zëvendëskryeministrin Alexander Vulin, i cili është nën sanksionet e SHBA-së për lidhjet e tij të ngushta me Rusinë, ndërsa ata ende nuk janë të gatshëm të heqin masat e padrejta kundër Kosovës”, ka shkruar kryeparlamentari në platformën X.
Regrettable to hear that EU is looking forward to work with serbian govt, including Deputy PM Alexander Vulin, who is under US sanctions for his close ties to Russia, while they are still not ready to lift unfair measures against Kosova.
— Glauk Konjufca (@KonjufcaGlauk) May 4, 2024
Ndryshe, përfaqësuesi i Lartë i Bashkimit Evropian për Politikë të Jashtme dhe Siguri, Joseph Borrell, ka uruar Millosh Vuçeviqin për zgjedhjen në postin e kryeministrit të Serbisë.
“Paraprakisht, mezi pres të punoj me ju, Ministrin e Punëve të Jashtme, Marko Gjuriq dhe anëtarët e tjerë të qeverisë, në mënyrë që Serbia të ecë përpara në rrugën e saj evropiane”, ka shkruar Borrell.
Congratulations to new Prime Min of Serbia @milos_vucevic.
I look forward to work w/ you, FM @markodjuric & @SerbianGov to move Serbia forward on its EU path.
Aligning & acting in line w/ EU values & common foreign & security policy are essential signals of strategic orientation.— Josep Borrell Fontelles (@JosepBorrellF) May 3, 2024