Pas shkarkimeve të shumta që nga ardhja në krye të Ministrisë së Punëve të Jashtme dhe Diasporës (MPJD) Donika Gërvalla, me datën e 1 korrikut 2022 ministria që ajo udhëheq kishte hapur një konkurs për pranimin e 32 zyrtarëve të misionit diplomatik.
Me sa duket MPJD-ja ka mbetur pa diplomatë pasi Këshilli i Pavarur Mbikëqyrës për Shërbim Civil të Kosovës ka konstatuar se shpallja e rekrutimit të 32 zyrtarëve të misionit diplomatik është bërë në kundërshtim ligjin.
Sipas një vendimi Këshilli i Pavarur Mbikëqyrës për Shërbim Civil të Kosovës ka emëruar Kolegjin e Këshillit për zhvillimin e procedurës se monitorimit të jashtëzakonshëm në Ministrinë e Punëve të Jashtme dhe Diasporës.
Pas, monitorimit Kolegji i Këshillit ka konstatuar se shpallja e rekrutimit për 32 zyrtarë të misionit diplomatik është bërë në kundërshtim me nenin 17 paragrafi 2,3 dhe 4 të Ligjit Nr.06/L1134 për Zyrtarët Publik.
Rrjedhimisht sipas këtij vlerësimi kjo mënyrë e shpalljes se rekrutimit është në kundërshtim më parimet e pranimit të zyrtarëve publikë të përcaktuar me nenin 6 paragrafi 1 dhe 2 të ligjit Nr.06/L1134 për Zyrtarët Publik.
Këtu mund ta gjeni Vendimin e Këshillit të Pavarur Mbikqyrët të Shërbimit Civil të Kosovës.
