Kosova dhe Holanda do ta rrisin bashkëpunimin në fushën ushtarake

Ministri i Mbrojtjes, Armend Mehaj në takim me ministren e Mbrojtjes Kombëtare të Holandës, Kajsa Ollongren, ka theksuar se do të vazhdojë bashkëpunimi me Holandën në çështjen e shkëmbimit të praktikave më të mira sa i përket inkuadrimit të vajzave dhe grave në FSK si dhe pjesëmarrjes në misione të përbashkëta me Forcat e Armatosura Holandeze

Ministri i Mbrojtjes Armend Mehaj, gjatë punimeve të Forumit Ndërkombëtar të Sigurisë në Halifax





Ministri i Mbrojtjes i Kosovës, Armend Mehaj, në margjinat e Forumit Ndërkombëtar të Sigurisë në Halifax është takuar me ministren e Mbrojtjes Kombëtare të Holandës, Kajsa Ollongren.

Sipas njoftimit, ministri Mehaj me ministren Ollongren diskutuan rreth pikave ku mund të rrisin bashkëpunimin.

Ndër të tjera, ministri Mehaj e njoftoi për avancimet që ushtria e Kosovës ka bërë përmes implementimit të Planit Gjithëpërfshirës të Tranzicionit, investimet që janë bërë në ngritjen e kapaciteteve profesionale dhe operacionale, por dhe “bashkëpunimin e ngushtë që e ka me shtetet anëtare të NATO-s, me të cilët koordinohen në baza ditore, aktivitetet përmes këshilltarëve ndërlidhës të NATO-s (NALT), të cilët aktualisht janë duke shërbyer në Kosovë, të vendosur në zyrat brenda objektit të Ministrisë së Mbrojtjes”.

Tutje, dy ministrat u dakorduan që të bashkëpunojnë në çështjen e shkëmbimit të praktikave më të mira sa i përket inkuadrimit të vajzave dhe grave në FSK, e po ashtu në ngritjen profesionale të tyre përmes trajnimeve, si dhe pjesëmarrjes në misione të përbashkëta me Forcat e Armatosura Holandeze.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika