Ministria e Punëve të Brendshme ka njoftuar se ministri Xhelal Sveçla me homologun e tij nga Shqipëria, Taulant Balla, do ta vizitojnë sot pikën kufitare në Qafë Morinë, ku pritet të nëshkruajnë Protokollin për Implementimin e Kontrollit të Përbashkët Kufitar.
Nënshkrimi i këtij Protokolli synon të forcojë bashkëpunimin midis dy vendeve në pikat kryesore të kalimit kufitar, duke përfshirë; Qafë Morinë, Qafë Prush, Shishtavec/Krushevë, Borje/Glloboçicë dhe Orgjost/Orçush.
“Ministri i Punëve të Brendshme, z. Xhelal Sveçla dhe Ministri i Punëve të Brendshme i Republikës së Shqipërisë, z. Taulant Balla, me datë 8 korrik nga ora 13:00 do të vizitojnë pikën kufitare Qafë Morinë. Ata do të nënshkruajnë Protokollin për Implementimin e kontrollit të përbashkët kufitar në pikat e përbashkëta të kalimit kufitar Qafë Morinë, Qafë Prush, Shishtavec/Krushevë, Borje/Glloboçicë dhe Orgjost/Orçush”, thuhet në njoftim.