Kosova realizon një sërë aktivitetesh në Ditën e Evropës

Të hënën shënon dita e Evropës, e në shënim të kësaj dite do të mbyllen dy rrugë në Prishtinë, ndërsa disa aktivitete do të organizohen nga Zyra e BE-së në Kosovë

Në Kosovë, të hënën do të shënohet Dita e Evropës me një sërë aktivitetesh nga Zyra e Bashkimit Evropian(BE) në Prishtinë, të cilat do të fokusohen te të rinjtë, energjia e gjelbër dhe digjitalizimi.

Në ora 11:00, Amabasadori i BE-së në Kosovë, Tomas Szunyog dhe kryetari i Prishtinës, Përparim Rama do t’iu bashkohen përfaqësuesve të shteteve anëtare të BE-së përpara hotelit “Grand” në një shëtitje me biçikleta dhe trotinete elektrike dhe aktivitete të tjera që promovojnë lëvizshmërinë alternative.

Szunyog do të vizitojë mini-ekspozitën “E Ardhmja e Gjelbër” në Shtëpinë e Evropës në mesditë, dhe do të marrë pjesë në koncertin hapës të Ditës së Evropës dhe Chopin PianoFest nga ora 19:00.

Në ora 20:30, BE-ja në Kosovë do të organizojë pritjen e Ditës së Evropës dhe ceremoninë e ndarjes së çmimit “Evropiani i Vitit” në Bibliotekën Kombëtare të Kosovës.

Me rastin e kësaj dite, Komuna e Prishtinës do t’i mbyllë disa nga rrugët e kryeqytetit, me qëllim të promovimit të lëvizjes së lirë të qytetarëve.

Të hënën e nëntë majit, prej orës 9.00 në mëngjes deri në orën 17:00, do të jenë të mbyllura rruga “George Bush”, duke vazhduar në drejtim të rrugës “Garibaldi”, deri te semaforët pranë Bankës Qendrore të Kosovës.

Qëllimi i kësaj mbylljeje është lëvizja e lirë e qytetarëve të Kosovës, pasi këta të fundit, nuk kanë të drejte të lëvizin pa viza në Bashkimin Evropian.

Sipas njoftimit nga Komuna, “Dita e Lëvizshmërisë të së Ardhmes” do të jetë aktiviteti i cili ka për qëllim promovimin e lëvizjes së lirë.

Dita e Evropës bllokon disa rrugë në Prishtinë

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika